KURSINNHALD

Har du skarpt verktøy går arbeidet som ein leik! Velkommen til helgekurs i sliping av verktøy. Skal arbeidet bli bra må du ha reiskap som bit. Altfor ofte er det dårleg egg på bila, øksa eller kniven. Men dette går det an å gjera noko med. Instruktørar er handverkar Håvar Aabol, instrumentmakar Knut Opheimsbakken og museumsbonde Fredrik Calmeyer. Dei skal visa oss korleis ein egg blir skarp, gjerne med litt forskjelleg tilnærming.

INSTRUKTØRAR: Handverkar Håvar Aabol, instrumentmakar Knut Opheimsbakken og museumsbonde Fredrik Calmeyer

TID: 10. og 11. februar frå 9.00 til 15.00. Det blir servert lunsj.

STAD: Valdres Folkemuseum

PÅMELDINGSFRIST: 20. januar

PRIS: Under 26 år kr 1.200, vaksen kr 3.000 (rabattpris: 2.300 for medlemmer av Verne-Vøla). Prisen inkluderer materiell. PS: Ungdomsprisen er sponsa litt ekstra.

MÅLGRUPPE: Kurset passar for alle over 13 år, anten du har erfaring eller ikkje.

TA MED: Ta med det du vil ha slipt, økser og knivar, hoggjern og bile. Om du har slipeutstyr du ynskjer å ta med, gjer gjerne det.

ARRANGØR: Valdresmusea

Med atterhald om endringar

BESKRIVELSE

Skal arbeidet bli bra må du ha reiskap som bit! Altfor ofte er det dårleg egg på bila, øksa eller kniven. Men dette går det an å gjera noko med! Handverkar Håvar Aabol vil læra bort korleis me oppnår akkurat dette. Instrumentmakar Knut Opheimsbakken vil i læra oss korleis me kan setja opp sikling og anna eggverktøy slik at han får overflater me tidlegare berre har drøymt om, og som han må ha når han lagar feler og andre instrument. Museumsbonde Fredrik Calmeyer syner oss korleis han får bet i ljåen ved å banka han. Ein teknikk som er lite kjent, men som gjer at enga legg seg som ho skal. Det vert kaffi og litt å bite i.

11. og 18. oktober 2023 kl. 19.00-22.00 (6 timar over to onsdagskveldar)

TA MED: Ta med det du vil ha slipt, økser og knivar, hoggjern og bile. Om du har slipeutstyr du ynskjer å ta med, gjer gjerne det!​